Fréttavikan

Þetta hefur verið ógeðfelld vika svo ekki sé meira sagt. Hryllilegir skógareldar í Ástralíu voru fyrirferðamiklir enda mikill harmleikur þar á ferð.

Hér heima var annar harmleikur ekki síður fyrirferðamikill. Hræðilegt barnaníðingsmál þar sem faðir var dæmdur í tveggja ára fangelsi fyrir að svívirða þriggja ára dóttur sína. Alltaf koma svona dómar mér jafn mikið á óvart. Það þarf að endurskoða refsirammann fyrir svona glæpi. Þegar foreldrar fremja svona glæpi gegn börnum sínum eiga dómarnir að vera enn harðari en ella.

 Simbabve er ávallt áberandi í fréttunum hjá RÚV. Líkleg ástæða er að það er eina landið í heiminum sem er í dýpri skít en við. Ég á allavega erfitt með að finna aðra ástæðu fyrir þessum mikla fréttaflutningi.

 Sorglegt og átakanlegt var að fylgjast með máli Birgis Páls. Rangur maður, á röngum stað ,á vitlausum tíma( í vitlausu húsi). Þessi dómur er ekkert annað en djók hjá frændum okkar. Líklega erfitt að fara út í deilu við færeyinga þar sem við erum að hluta til á spenanum hjá þeim eftir að þeir lánuðu okkur eftir hrunið. Ég veit að það getur verið erfitt að eiga vini sem eru í miklu rugli og það er hægara sagt en gert að segja til þeirra þegar þeir brjóta lög.

Annars er þetta mín fyrsta bloggfærsla (EVER) og vonandi verð ég duglegur. Ég ætla að reyna að vera ekki með hroka og hleypidóma sem mér hættir oft til í daglegu lífi. Með von um líflegar og skemmtilegar umræður.

Athugasemdir

[Emma Vilhjálmsdóttir, 14.2.2009 kl. 18:15]

Velkominn í bloggheima!  Hlakka til að fylgjast með síðunni þinni.

Nú vantar bara eina manneskju á bloggið líka

Annars er ég alveg sammála þér með barnaníðinginn... það er ömurlegt hvað svona menn komast upp með og fá svo engan dóm fyrir.  Það þarf fyrst og fremst að breyta Stjórnarskránni svo hægt sé að dæma þá harðar. 

Reyndar finnst mér margt í þessu tiltekna máli, sem þyrfti að skoða betur eða segja betur frá.  Hvar er t.d. móðirin stödd í málinu og hvernig geta þau sannað þetta á þennan mann en ekki t.d. fósturpabbann?  Fréttaflutningur þessa máls, hefur verið mjög skrýtinn að mínu mati og ófullnægjandi.  Lítur út einsog að frekari rannsókn vanti. 

Þekki reyndar ekkert til þarna og finnst þetta skelfileg frétt.  Vona svo sannarlega að litla saklausa krílið fái góða aðstoð fagaðila og muni eiga áfallalausa ævi það sem eftir er.